pckurd.net

Guhertoya nû ya OpenOffice.org'a bernameyê popûler a offîsê, derket. Weke tê zanîn OpenOffice.org tekane offîsa bi kurdî ye. Di OpenOffice.or'ê de sepanên weke  "Bernameya nivîsandinê ya OpenOffice.org ", "Pêşkêşiya OpenOffice.org " û "Tabloya Hesêb a OpenOffice.org" hene. Bi van sepanan hûn dikarin hemû karên xwe yên offîsê bi hêsanî û bi kurdî pêk bînin.

Di vê guhertoya nû de gelek taybetiyên nû li OpenOffîsê hatiye zêdekirin. Mînak taybetiya anti-aliasing (Nermkirina Kêlekan)

Ji bo daxistina OpenOffice.org a ji bo windowsê; Daxe

Ji bo sazkirina li ser ubuntuyê; Bixwîne

Malpera fermî ya bi Kurdî ya OpenOffic.orgê: http://ku.openoffice.org/

(jêrenot: malper hê ji bo guhertoya nû nehatiye rojanekirin)

Pêvekên bi Kurdî Yên OpenOffice;

Beriya niha ji aliyê endamê koma pckurd Erdal Ronahî ve, ji bo OpenOffice'ê du pêvekên ji bo kurdî hatibûn amadekrin.

1) Kîtandin

Kîtandin rê dide ku di nivîsekê de peyvên li dawiya hevokekê li gor rêzimana kurdî werin kîtandin (hecekirin). Weke ku hûn di wêneya li aliyê çepê de jî dibînin, bi vî awayî di nivîsên dirêj de li kêleka nivîsan valahî namîne û nivîs xweşiktir xuya dike.

Hûn dikarin pêvekê ji vir daxin; Rûpela pêveka kîtandinê

2) Rastnivîs

Ev pêvek dema ku hûn di OpenOfficê de nivîseke bi kurdî dinivîsin, kontrola rastnivîsandinê dike. Weke ku di wêneya li kêlekê jî xuya dike, ger hûn weke mînak "namîno" binivîsin, pêvek we hişyar dike ku di kurdî de peyvek wisa tune û peyva herî nêzikî wê yanî "namîne"yê pêşniyarî we dike.

Hûn dikarin vê pêvekê ji vir daxin: Rûpela pêveka rastnivîsê